ఆమోసు గురించి మీరు తెలుసుకోవలసిన 3 విషయాలు

కొంతమంది ప్రవక్తల గురి౦చి మనకు చాలా తక్కువ తెలుసు, కానీ అతని సమకాలికుడైన యెషయాలాగే ఆమోసు పుస్తక౦ కూడా భిన్న౦గా ఉ౦ది. ఆమోసు తన పుస్తకం ప్రారంభంలోనే తాను టెకోవా నుండి వచ్చానని, తన పరిచర్య ఉత్తర ఇశ్రాయేలు రాజ్యానికి నిర్దేశించబడిందని చెప్పాడు. భూకంపానికి రెండేళ్ళ ముందు, యూదాలో ఉజ్జియా రాజుగా, యెరోబెయాము ఇశ్రాయేలులో రాజుగా ఉన్నప్పుడు (ఆమోసు 1:1) ఇది జరిగింది. అతని పుస్తకం క్రీస్తుపూర్వం 760 నాటిది, అయినప్పటికీ భూకంపం తేదీని ఖచ్చితత్వంతో నిర్ణయించే మార్గం లేదని దీని అర్థం. ఈ పుస్తకం నుండి మనం నేర్చుకోవలసిన మూడు ప్రత్యేక విషయాలు ఉన్నాయి.

1. ప్రవక్త దేవుని నుండి పిలవబడాలి.

ఆమోసు ఇశ్రాయేలీయుల ను౦డి రాలేదు, దక్షిణ దేశమైన యూదా ను౦డి వచ్చాడు. బేతేలులో యాజకుడైన అమజ్యా ఇలా చెప్పాడు: “నీ దేశమునకు వెళ్ళు, అక్కడ నీ ఆహారాన్ని సంపాదించు, ప్రవక్తగా పనిచేయు” (ఆమోసు 7:10-13). దేవుడు తన స౦దేశ౦తో ఉత్తర ఇశ్రాయేలు రాజ్యానికి వెళ్ళమని ఆదేశి౦చేవరకు ఆమోసు ఒక రైతుగా ఉన్నాడు.

ఒక వ్యక్తి ప్రవక్తగా ఉండటం అనేది మతపరంగా వృత్తిపరమైన వారి నుండి లేదా వారికి చెందిన కుటుంబంపై ఆధారపడి ఉండదు. బదులుగా, ఆయన ప్రతినిధిగా సేవ చేయాలనే దేవుని సార్వభౌమ పిలుపుపై అది ఆధారపడి ఉ౦ది. ప్రవక్తలను సమయానుకూలంగా దేవుడు లేపి, ప్రజలతో మాట్లాడడానికి మాటలు ఇచ్చాడు. దేవుడు చర్య తీసుకోవడానికి ము౦దు, దైవిక౦గా ఎన్నుకోబడిన దూతలకు ఆయన వాక్యాన్ని అప్పగి౦చేవాడు. ప్రభువు యొక్క రహస్య సలహా తన సేవకులైన ప్రవక్తల ద్వారా తెలియజేయబడింది.

2. ప్రవక్తల పాత్ర ఇశ్రాయేలీయులతో దేవుడు చేసిన నిబందనతో ముడిపడి ఉంది.

దేవుని వాక్యాన్ని ప్రకటి౦చడ౦ ద్వారా, ఆయనకు విధేయత చూపి౦చడ౦ ద్వారా దేవునికి, ఆయన నిబ౦ధన ప్రజలకు మధ్య మధ్యవర్తిత్వ౦ చేయడ౦ ప్రవక్త యొక్క పాత్ర. వారు రాజ్య సంరక్షకులుగా ఉన్నారు, రాజులను మరియు ఇతర నాయకులను వారి చర్యల విషయంలో దేవునికి జవాబుదారీగా ఉంచడానికి ప్రయత్నిస్తారు. దేవుడు తన ప్రజలతో ఏర్పరచుకున్న ప్రత్యేక బంధాన్ని కాపాడుకోవడానికి అంకితమైన నిబ౦ధనా మధ్యవర్తులుగా వారిని పరిగణి౦చవచ్చు.

ఈ ఒడంబడిక ఇశ్రాయేలీయులను ఒక ప్రత్యేకమైన సంబంధంలో ఉంచింది. ఆమోసు పుస్తక౦లోని ప్రారంభ స౦దేశాలు ఇశ్రాయేలు చుట్టూ ఉన్న వివిధ దేశాలకు (సిరియా, గాజా, టైరు, ఏదోము, అమ్మోను, మోవాబు, యూదా, ఆమోసు 1:1-2:16) నిర్దేశి౦చబడ్డాయి. ఆ తర్వాత, ప్రవక్త చివరకు ఇశ్రాయేలీయులనుద్దేశించి ప్రసంగి౦చినప్పుడు, పాపపు జనా౦గానికి యెహోవా సందేశాన్ని చేరవేస్తాడు: ” అదేమనగా భూమిమీది సకల వంశములలోను మిమ్మును మాత్రమే నేను ఎరిగియున్నాను” (ఆమోసు 3:2). దేవునికి, ఆయన ప్రజలకు మధ్య ఉన్న ప్రత్యేకమైన స౦బ౦ధ౦ గురి౦చి హెబ్రీ వచన౦ ఇలా చెబుతో౦ది: ” మిమ్మును మాత్రమే. . . ” ఇశ్రాయేలీయులు ఉన్నతమైన పరిమాణ౦ లేదా సామర్థ్యాల కోస౦ ఎన్నుకోబడలేదు, కానీ దేవుడు ప్రేమి౦చిన౦దుకు మాత్రమే ఎన్నుకోబడ్డారు (ద్వితీయోపదేశకా౦డము 7:7).

కానీ ఒక ప్రత్యేకమైన సంబంధం దానితో పాటు ప్రత్యేకమైన బాధ్యతలను తీసుకువచ్చింది. ప్రత్యేక ఎన్నిక జరగడం బాధ్యతతో కూడిన ఎన్నికను తీసుకువచ్చిందని వారు గ్రహించాలి. ఇశ్రాయేలుకు ఎప్పటికీ ఆటోమేటిక్ ఆశీర్వాదం ఉండదు. బదులుగా, ప్రజలు తమ పాపాలకు శిక్షను తప్పించుకోలేక దైవిక తీర్పు యొక్క ప్రమాదంలో పడ్డారు (ఆమోసు 3:2). తీర్పు దేవుని ఇంటి ను౦డే  మొదలవుతుందని బైబిలు నియమం ఉంది (1 పేతురు 4:17). నిబ౦ధన అనే ధన్యత, దేవుని ఆజ్ఞలకు విధేయత చూపి౦చాలనే డిమాండ్ వేర్వేరు కాదని ఆమోసు మనకు బోధిస్తున్నాడు.

3. ఆమోసు యొక్క భవిష్యత్తు దృక్పథానికి అనేక కోణాలు ఉన్నాయి.

దాదాపుగా ప్రవక్తలకు భవిష్యత్తుపై ప్రభావం చూపే సందేశం ఉండేది. ప్రజలు యెహోవా యొక్క రాబోయే దినమును ప్రకాశము మరియు వెలుగుతో కూడినదిగా చిత్రి౦చారు, కానీ అది “చీకటి, వెలుతురు కాదు, దానిలో ప్రకాశము లేని చీకటి” (ఆమోసు 5:20) అని గుర్తించడం లేదు. ఆనందకరమైన విందులు, నైవేద్యాలు సమర్పి౦చడ౦ వల్ల దేవునిని ప్రసన్నం చేసుకోలేరని వారు నేర్చుకోవాల్సి వచ్చి౦ది. విగ్రహారాధనతో సహా వారి పాపాలు చివరికి దమస్కు వెలుపల వారి బహిష్కరణకు దారితీస్తాయి (ఆమోసు 5:26-27). వాగ్దాన భూభాగం నుండి ఇశ్రాయేలీయులు నిష్క్రమించడం దేవుని మరొక సార్వభౌమ కార్యం కాబోతోంది (“మరియు నేను మిమ్మల్ని పంపుతాను . . . ”).

కానీ భవిష్యత్తు యొక్క మరో రెండు కోణాలు మరింత సానుకూలమైన చిత్రాన్ని అందిస్తాయి. వీటిలో మొదటిది పడిపోయిన దావీదు గుడారానికి సంబంధించినది (ఆమోసు 9:11-12). దావీదు కుటు౦బ౦ ఇశ్రాయేలు, యూదా చరిత్రలో ఒక ప్రాముఖ్యమైన స్థానాన్ని ఆక్రమి౦చి౦ది. ఇది క్షీణించిన స్థితిలో ఉన్నట్లు చిత్రీకరించబడింది, అయితే ఇది చివరికి పునరుద్ధరణ ద్వారా మార్చబడుతుంది మరియు అన్యజాతీయుల విలీనానికి కూడా దారితీస్తుంది. యెరూషలేములోని కౌన్సిల్ లో యాకోబు ఈ వాక్యాన్ని ఉపయోగించిన తీరు ఈ వివరణకు మద్దతు ఇస్తుంది (అపొస్తలుల కార్యములు 15:16-17). క్రొత్త నిబంధన సంఘంలో అన్యజాతీయులను చేర్చడ౦ ఆమోసు పరిచర్య ద్వారా నిర్దేశించబడిన దేవుని స౦కల్ప నెరవేర్పు.

దేవుడు తన ప్రజలను క్రొత్త ఏదెనులో నాటుతాడనేది నిరీక్షణ యొక్క అంతిమ అంశం. ఇశ్రాయేలీయులు పాప౦ చేసినప్పటికీ, దేవుడు వారిని విడిచిపెట్టకపోవడ౦ ప్రాముఖ్యమైనది. ఆయన తన ప్రజలను పునరుద్ధరిస్తాడు, ఇది బహుశా చెల్లాచెదురైన దేవుని ప్రజలు తన నిత్య రాజ్యంలోకి సంఘటితమయ్యే ఒక అసాధారణ సంఘటన. ప్రవచనంలోని చివరి పదాలు వాస్తవానికి నిబందన సంబంధాన్ని పునరుద్ఘాటిస్తాయి, ఎందుకంటే నిబంధన ఇచ్చిన ప్రభువు (ఇక్కడ దేవునికి నిబంధన పేరును ఉపయోగించడాన్ని గమనించండి, యెహోవా) వారి దేవుడే, మరియు ఆయన వారి కోసం తన చిత్తాన్ని నెరవేరుస్తాడు (ఆమోసు 9:11-15).

ఈ వ్యాసం మొదట లిగోనియర్ మినిస్ట్రీస్ బ్లాగ్‌లో ప్రచురించబడింది.