ఎక్లేసియా: పిలువబడిన వారు

బహుశా మార్కు పేర్కొన్న ఐదుగురు ఎంపిక చేసిన వ్యక్తులు మాత్రమే కాకుండా యేసును అనుసరిస్తున్న చాలామంది అక్కడ ఉన్నారు. ఆ గుంపులో నుండి, ఆయన పేతురు, అంద్రెయ, యాకోబు, యోహాను, మత్తయి, మరియు ఇతరులను పిలిచాడు. “ధర్మశాస్త్రము, విజ్ఞాన శాస్త్రము, లేదా వ్యాపారము” గురించి అధ్యయనం చేయమని ఆయన వారిని పిలవలేదు; దానికి బదులుగా, ఆయన వారిని తనతో ఉండుటకు పిలిచాడు. తనకు కావాల్సిన వారిని పిలిచాడు, మరియు ఆయన పిలుపు సార్వభౌమాధికార్యమైనది, ఎందుకంటే ఆయన తన కార్యానికి పిలిచిన ప్రతి ఒక్కరూ ఆ కార్యానికై వచ్చారు, ఆయన భాగమైన ఆ మనుష్యుల బృందంలో చేరడానికి వారు ఇష్టపూర్వకంగా వచ్చారు.

ఒక విధంగా చెప్పాలంటే, ఇది దేవుని రాజ్యమంతటికి యేసు ఏమి చేస్తాడో అనగా అతను కోరుకున్న వారిని పిలుస్తాడు అనే దానిని సూక్ష్మ రూపములో చూసినట్లుగా అర్ధం. “సంఘము” అనే పదానికి బైబిల్లో అనువదించబడిన గ్రీకు పదం ఎక్లేసియా. ఈ పదం ఉపసర్గ మరియు మూలంతో రూపొందించబడింది. “ఏక్ లేదా ఎక్స్” అనేది ఉపసర్గ మరియు దానికి “ఒక దాని నుండి లేదా ఒకదానిపై ..” మూల క్రియ పదం కాలియో, దీని అర్థం “పిలుచుట”. కాబట్టి, ఎక్లేసియా అంటే “వెలుపలకు పిలివబడిన వారు” అని అర్థం. తేలికగా చెప్పాలంటే, అదృశ్య సంఘము, నిజమైన సంఘము, దేవునిచే బాహ్యంగా మాత్రమే కాకుండా అంతర్గతంగా పరిశుద్ధాత్మ ద్వారా పిలువబడే వారితో కూడి ఉంటుంది. యేసు ఒకరిని శిష్యత్వానికి పిలిచినప్పుడు, ఆయన ఆ వ్యక్తిని ఆయన యొద్దకు పిలుసుకుంటున్నాడు, ఆయనకు  చెందినవాడు మరియు ఆయనను వెంబడించడానికి, ఆయన యొద్దనుండి మరియు ఆయన గురించి నేర్చుకోవడానికి పిలుసుకుంటున్నాడు.

ఒక వ్యక్తిని నీతిమంతుడుగా తీర్చగల ఏకైక విశ్వాసం తన సొంత విశ్వాసమే. జీవిత భాగస్వామి విశ్వాసం, అతని తల్లిదండ్రుల విశ్వాసం, అతని పిల్లల విశ్వాసం, లేదా ఇతరుల విశ్వాసం ద్వారా ఎవరు నీతిమంతుడుగా తీర్చబడరు. చివరి తీర్పులో ప్రతిఒక్కరూ దేవుని ఎదుట ఒంటరిగా నిలబడతారు మరియు వారి హృదయంలో ఉన్న దాని బట్టి మాత్రమే తీర్పు ఇవ్వబడుతుంది.

 అయితే, క్రీస్తు ఒక వ్యక్తిని రక్షించిన ప్రతిసారీ, ఆయన అతన్ని ఒక గుంపులో ఉంచుతాడు. మనం అలక్ష్యం చేయకుండా ఉండేందుకు దేవుని రాజ్యానికి సామూహిక కోణం ఉంది. నేను ఇటీవల ఒక మహిళతో మాట్లాడాను. ఆమె వెళ్లే సంఘానికి కొత్త పాస్టర్ నియమించబడ్డాడు. ఆమె క్రొత్త పాస్టర్ తో సంతోషంగా లేదు, కాబట్టి ఆమె సంఘాన్ని విడిచిపెట్టింది. ఆరాధన కోసం మీరు ఏమి చేస్తున్నారని నేను అడిగినప్పుడు, ఆదివారం ఉదయం టీవీల్లో మతపరమైన కార్యక్రమాలను చూస్తుందని ఆమె బదులిచ్చారు. స్పష్టమైన సమస్య ఏమిటంటే, ఆమె ఆదివారం ఉదయం సంఘములో లేదు అనగా ఆమె సమూహముగా ఆరాధనలో, పవిత్రమైన సభలో దేవుని ప్రజలతో ఆరాధన చేయడం లేదు. క్రైస్తవ జీవితం అనేది సమాజంగా కూడుకునే విషయం, ఎందుకంటే విమోచించబడిన ప్రజలు కలిసి నేర్చుకోవడానికి, కలిసి ఎదగడానికి, కలిసి సేవ చేయడానికి మరియు కలిసి ఆరాధించడానికి క్రీస్తు వారిని సంఘములో ఉంచుతాడు.