ఐదు సోలాలు ఏమిటి?

వేదాంత శాస్త్రం లేఖన ఆధారితంగా ఉండాలి. దేవుని ప్రాణదాయకమైన ప్రసంగం ఆయన రక్షణను మనకు తెలియజేస్తుంది మరియు మనలను విశ్వాసం మరియు పశ్చాత్తాపానికి పిలుస్తుంది. మనము ఒకప్పుడు చీకటిగా ఉన్నాము, కాని ఇప్పుడు మనము ప్రభువులో వెలుగుగా ఉన్నాము (ఎఫె. 5:8). వారు క్రీస్తు మహిమను కనుపరచు సువార్త ప్రకాశము చూడకుండా ఉండు నిమిత్తము, సాతాను అవిశ్వాసులైనవారి మనోనేత్రములకు గ్రుడ్డితనము కలుగజేసెను (2 కొరింథీ 4:4). అయినప్పటికీ చీకటి నుండి వెలుగు ప్రకాశించమని ఆజ్ఞాపించే దేవుడు, “యేసుక్రీస్తు ముఖములో దేవుని మహిమ యొక్క వెలుగును” మనకు ఇస్తూ మన హృదయాలలో ప్రకాశిస్తాడు (2 కొరింథీ 4:6). దేవుడు ఎల్లప్పుడూ తన ఆత్మ చే, వాక్యము ద్వారా దీనిని చేస్తాడు. పరిశుద్ధాత్మయే లేఖనము యొక్క కర్త, మరియు ఆయన లేఖనము ద్వారా మాట్లాడుచున్నాడు (హెబ్రీ. 3:7). క్రీస్తులో విశ్వాసము ద్వారా రక్షణ కొరకు మనలను జ్ఞానవంతులను చేయడానికి మరియు ప్రతి మంచి పనికి పూర్తిగా సన్నద్ధం కావడానికి అవసరమైన ప్రతిదాన్ని లేఖనాలు మనకు బోధిస్తాయి (2 తిమోతి 3:15-17). అందుకే లేఖన నియమం ప్రకారము మాట్లాడనివారిలో వెలుగు ఉండదు (యెషయా 8:20). అయితే ఆత్మ లేకపోతే లేఖనాలు కూడా మనకు సహాయ౦ చేయలేవు. మనము అతిక్రమణలు మరియు పాపములలో చచ్చిన వారము (ఎఫె. 2:1-2), మన మనస్సులు మరియు హృదయాలు చీకటిగా ఉన్నాయి (ఎఫె. 4:18; రోమా 1:21), మరియు మనలను మృతుల నుండి లేపడానికి మరియు దీపాలను వెలిగించడానికి మనకు ఎవరైనా కావాలి (ఎఫె. 5:14). విశ్వాస౦ కోస౦, క్రీస్తులో జీవి౦చడ౦ కోస౦ మనల్ని జ్ఞానవ౦తులను చేయడానికి లేఖన౦ సరిపోతే, దేవునితో నడవడానికి లేఖనమే మనకు మార్గదర్శక౦ కాగలదు. మిగిలినవన్నీ పనికిరానివి, అనవసరమైనవి. అయినప్పటికీ మనము దేవుని రాజ్యమును చూడుటకు ఆత్మ వలన జన్మించాలి (యోహాను 3:5). మన హృదయాలలో ఆత్మ లేఖనాలతో లేఖనాల ద్వారా పనిచేస్తే మాత్రమే మనం వెలుగుగల దేవునితో వెలుగులో నడవగలము (1 యోహాను 1:7).

సోలస్ క్రిస్టస్

వేదాంత శాస్త్రం క్రీస్తు దృష్టిని కేంద్రీకరించాలి. లేఖనం మనకు బోధించే ప్రతిదాన్ని మనం నమ్మాలి ఎందుకంటే అది దేవుని వాక్యం (యోహాను 8:47). క్రీస్తు బైబిల్ యొక్క ప్రధాన బిందువు, మరియు బైబిల్ అంతాకూడా ఆయనకు సాక్ష్యం ఇస్తుంది (యోహాను 5:39; లూకా 24:27; 1 పేతురు 1:10-12). ఆత్మ లేకుండా, లేఖన౦లో దేవుని సాక్ష్యాన్ని మన౦ స్వీకరించలేము; క్రీస్తు లేకుండా, దేవుని మాటలు కూడా మనలను రక్షించలేవు. దైవశాస్త్రం క్రీస్తు కేంద్రీకృతమై ఉంది ఎందుకంటే ఆయన ద్వారా తపిస్తే మరెవరూ తండ్రి వద్దకు రాలేరు (యోహాను 14:6) మరియు ఆత్మ మన రక్షణ కోసం ఆయనను మహిమపరచడానికి కోరుకుంటాడు (యోహాను 16:8-14). యేసు నిజమైన దేవుడు మరియు నిజమైన మానవుడు. ఆయన ఒక్కడే దేవునికి, మనిషికి మధ్య సయోధ్య కుదుర్చగలడు, శత్రుత్వాన్ని చంపి స్నేహాన్ని సృష్టించగలడు (ఆదికాండము 3:15). తండ్రి తన కుమారునియందు ఆనందిస్తాడు (మార్కు 1:11), మరియు మనం కుమారునిలో ఉన్నప్పుడు మాత్రమే ఆయన మనతో బాగా సంతోషిస్తాడు (ఎఫె. 1:6). యేసు ఒక్కడే తన ప్రజలను వారి పాపముల నుండి రక్షించగలడు (మత్తయి 1:21) ఎందుకంటే ఆయన ఒక్కడే వారి ప్రవక్త, వారి రక్షణ కొరకు దేవుని చిత్తమును తన వాక్యము ద్వారా మరియు ఆత్మ ద్వారా వారికి బహిర్గతం చేస్తాడు; వారికొరకు దైవిక న్యాయాన్ని తృప్తిపరచడానికి తనను తాను బలిగా అర్పించుకొనిన వారి యాజకుడు ఆయన ఒక్కడే; మరియు వారిని తనకు లోబరచుకునే వారి రాజు ఆయనే, వారిని పరిపాలిస్తాడు మరియు రక్షిస్తాడు మరియు ఆయన శత్రువులను ఇంక వారి శత్రువులందరినీ నియంత్రిస్తాడు మరియు జయిస్తాడు (WSC 24-26). క్రీస్తు ద్వారా తపిస్తే  దేవునితో సహవాసము లేదు, మరియు మన ప్రభువైన క్రీస్తు యేసు యొక్క అతిశ్రేష్ఠమైన జ్ఞానము నిమిత్తమై సమస్తమును నష్టముగా ఎంచుకొనుచున్నాము (ఫిలి. 3:8).

సోలా ఫిడే

వేదాంత శాస్త్రం విశ్వాసంతో నడిచేదిగా ఉండాలి. విశ్వాసము లేకుండా, దేవుని సంతోషపరచడం అసాధ్యం (హెబ్రీ. 11:6). బిచ్చగాడి ఖాళీ చేయి వలె, విశ్వాసం క్రీస్తును స్వీకరించడానికి చేరుకుంటుంది. విశ్వాసము ద్వారా, వాగ్దానము చేసినవాడు తాను వాగ్దానము చేసిన దానిని నెరవేర్చగలడని మనము నమ్ముతాము (రోమా 4:21). దేవుడు తన స౦కల్పాలను నెరవేరుస్తాడు, కానీ మన౦ నమ్మకపోతే, మన౦ స్థాపి౦చబడము (యెషయా 7:9; 45:17). విశ్వాసానికి దేవుని ముందు అర్హత లేదు. ధర్మశాస్త్ర కార్యములు లేకుండా విశ్వాసముచే మనము సమర్థించబడుతాము (రోమా 3:28). మనం మంచి పనుల ద్వారా రక్షింపబడము కాని మంచి పనుల కొరకు రక్షింపబడతాము (ఎఫె. 2:8-10). లేఖనము ద్వారా క్రీస్తును గూర్చిన జ్ఞానము, ఈ సత్యములను మన మనస్సులలో అంగీకరించుట, మరియు మన హృదయముల నుండి ఆత్మ కలిగించిన నమ్మకము రక్షించే విశ్వాసాన్ని సూచిస్తాయి. మనల్ని ప్రేమించి మనకొరకు తనను తాను అర్పించిన దేవుని కుమారునిపై విశ్వాసముతో జీవిస్తాము (గల. 2:20).

సోలా గ్రేషియా

వేదాంత శాస్త్రం కృపతో పూర్తిగా నింపబడి ఉండాలి. మనము విశ్వాసముచే రక్షింపబడినట్లయితే, మనము క్రియల ద్వారా కాక కృప ద్వారా మాత్రమే రక్షింపబడతాము (రోమా 11:6). కృప అనేది దేవుని ఉదార స్వభావం, దీని ద్వారా ఆయన మనకు అర్హత లేని మంచి విషయాలను అందిస్తాడు. మన రోజువారీ రొట్టె నుండి మన శరీరాల అంతిమ పునరుత్థానం వరకు మనం దేవుని నుండి పొందే ప్రతిదీ కృప ద్వారానే ఉంటుంది (కీర్తన 145:8). దేవుని కృప క్రీస్తులో నిక్షిప్తమై ఉంది మరియు తండ్రి తన కరుణతో జాలిపడే వారికి ఆయన మాత్రమే రక్షక కృపను ఇస్తాడు (కీర్తనలు 103:13). అందుకే అపొస్తలుడైన పౌలు పత్రికలలో, “త౦డ్రియైన దేవుని ను౦డి, ప్రభువైన యేసుక్రీస్తు ను౦డి మీకు కృప, సమాధానము” అని మొదలవుతాయి (2 కొరి౦థీయులు 1:2; గల. 1:3; ఎఫె. 1:2; ఫిలి. 1:2). కృప ద్వారా మాత్రమే రక్షణ లభిస్తుందని పరిశుద్ధాత్మ లేఖనం ద్వారా మనకు బోధిస్తాడు, ఎందుకంటే రక్షణ క్రీస్తులో విశ్వాసం ద్వారా మాత్రమే ఉంటుంది. కృప అనేది మన పాపాలను విస్మరించడానికి, మనం ఎలా జీవిస్తున్నామో పట్టించుకోకపోవడానికి దారితీసే భావోద్వేగ ఆలోచన కాదు. “ఏలయనగా సమస్త మనుష్యులకు రక్షణకరమైన దేవుని కృప ప్రత్యక్షమై మనము భక్తిహీనతను, ఇహలోక సంబంధమైన దురాశలను విసర్జించి, శుభప్రదమైన నిరీక్షణ నిమిత్తము, అనగా మహా దేవుడును మన రక్షకుడునైన యేసుక్రీస్తు మహిమయొక్క ప్రత్యక్షత కొరకు ఎదురుచూచుచు, ఈ లోకములో స్వస్థబుద్ధితోను నీతితోను, భక్తితోను బ్రదుకుచుండవలెనని మనకు బోధించుచున్నది. ఆయన సమస్తమైన దుర్నీతినుండి మనలను విమోచించి, సత్‌క్రియలయందాసక్తిగల ప్రజలను తన కోసరము పవిత్రపరచుకొని తన సొత్తుగా చేసికొనుటకు తన్నుతానే మనకొరకు అర్పించుకొనెను” (తీతు 2:11-14).

సోలీ డియో గ్లోరియా

వేదాంత శాస్త్రంలో దేవుడు ఆధిపత్యం వహించాలి. ప్రతి ఒక్కరూ త్రిత్వంలో ముగ్గురు దైవిక వ్యక్తులను ఆరాధించే విధంగా సామరస్యపూర్వక ఐక్యతతో మనలను రక్షిస్తారు. కృపలో కుమారునితోను, ప్రేమలో తండ్రితోను, బలములోను సౌఖ్యములోను పరిశుద్ధాత్మతోను మనకు సహవాసము కలుగును (2 కొరింథీయులు 13:14; అపొస్తలుల కార్యములు 9:31). ఎందుకంటే మనం పొందనిది మన దగ్గర ఏదీ లేదు (1 కొరింథీయులు 4:7), ప్రభువైన యేసుక్రీస్తు నామమున మనము అన్ని కార్యములను చేసి, ఆయన ద్వారా తండ్రియైన దేవునికి కృతజ్ఞత తెలియజేయాలి (కొలొ. 3:17). మనము ఆత్మచేత జీవిస్తాము మరియు ఆత్మ ప్రకారం నడుచుకుంటాము (గల. 5:25). మనం దేవుని మహిమ కోసం జీవించాలంటే, ఆత్మ ఆయన వాక్యంలో మాట్లాడే మాట మనం వినకూడదా, క్రీస్తుపై విశ్వాసం ద్వారా మాత్రమే మనం దేవుని కృపను పొందకూడదా, మనం దేవుని మహిమ కోసం మాత్రమే అన్నీ చేయకూడదా?

అంతిమంగా, ఐదు సోలాలు సంస్కరణ వేదాంతశాస్త్రం యొక్క సారాంశం మాత్రమే కాదు. అవి సువార్తను పరిరక్షిస్తాయి మరియు స్పష్టం చేస్తాయి, నమ్మని ప్రపంచంపై స్నేహపూర్వక దాడిని నిర్వహిస్తాయి, క్రీస్తు శత్రువులను అతని స్నేహితులుగా మారుస్తాయి. సోలాలలో మాత్రమే అన్న పదం ప్రాముఖ్యమైనది. సువార్త మరియు క్రైస్తవ జీవితం యొక్క దేవుని-కేంద్రీకృత లక్షణాన్ని మాత్రమే అన్న పదం భద్రపరుస్తుంది. నిజమైన వేదాంతశాస్త్రం, విశ్వాసం మరియు జీవితం గురించి చెప్పవలసినవన్నీ ఈ ఐదు సోలాలు చెప్పవు, కానీ అవి మంచి ప్రారంభం మరియు మనలను సరైన మార్గంలో ఉంచడానికి స్పష్టమైన మార్గదర్శిగా ఉన్నాయి.